កំណត់សម្គាល់÷

1. ទំហំភីកសែល អាចប្រែប្រួលនៅក្រោមរបៀបកាមេរ៉ាផ្សេងៗគ្នា ហើយអាស្រ័យលើការប្រើប្រាស់ជាក់ស្តែង។
2. កាមេរ៉ា Ultra-wide-angle អាចចាប់យករូបភាពទំហំ 106 ដឺក្រេ បន្ទាប់ពីកែតម្រូវការបំប្លែងរួច។
3. បន្ទាប់ពីថតរួច រូបថតនឹងត្រូវផ្ទុកឡើងទៅក្នុង Cloud ដើម្បីដំណើរការកែលម្អដោយបច្ចេកវិទ្យា AI  បន្ទាប់មកទាញយកមកវិញ ហើយច្បាប់ចម្លងក្នុង Cloud នឹងត្រូវលុបដោយស្វ័យប្រវត្តិ។ ខ្លឹមសារដែលបង្កើតដោយ AI គ្រាន់តែជាការណែនាំប៉ុណ្ណោះ ហើយមិនមែនជាទស្សនៈ ឬការគាំទ្ររបស់ vivo ឡើយ។ vivo មិនធានានូវភាពត្រឹមត្រូវ ពេញលេញ ឬភាពជឿជាក់របស់ AI ឡើយ។ ប្រសិនបើលទ្ធផលមិនល្អ សូមសាកល្បងម្ដងទៀត។ អ្នកអាចដំណើរការរូបភាពបានដល់ទៅ 10 ក្នុងពេលតែមួយ។
4. ដើម្បីប្រើប្រាស់មុខងារ AI Erase តម្រូវអោយអ្នកមានការតភ្ជាប់អ៊ីនធឺណេតជាមុនសិន។
5. សមត្ថភាពផ្ទុកថាមពលថ្មធម្មតាគឺ 6500 mAh និងសមត្ថភាពថាមពលថ្មវាយតម្លៃគឺ6330 mAh។
6. យោងតាមទិន្នន័យនៃការសាកថ្មដែលបានមកពីការធ្វើតេស្តនៅក្នុងមន្ទីរពិសោធន៍ vivo ក្រោមលក្ខខណ្ឌត្រួតពិនិត្យយ៉ាងតឹងរ៉ឹង។លក្ខខណ្ឌនៃការធ្វើតេស្តរួមមាន សីតុណ្ហភាពបរិយាកាស និងឧបករណ៍ 25±1°C, កម្រិតថ្មនៅ 1% និងបិទមុខងារទាំងអស់លើកលែងតែការហៅចេញ ការបិទអេក្រង់ ការប្រើឆ្នាំងសាក និងខ្សែសាកផ្លូវការ។ លទ្ធផលជាក់ស្តែងអាចមានភាពខុសគ្នា ដោយសារកត្តាជាច្រើនដូចជា៖ បរិយាកាសសាកថ្ម លក្ខខណ្ឌប្រើប្រាស់ជាក់ស្តែង សីតុណ្ហភាពដើមរបស់ថ្ម ភាពសឹករិចរិលរបស់ថ្មរយៈពេលវែង និងកត្តាផ្សេងៗទៀត។
7. ផ្អែកលើការធ្វើតេស្តក្នុងមន្ទីរពិសោធន៍ vivo ថ្មនៅតែអាចរក្សាសមត្ថភាពបានយ៉ាងតិច 80% បន្ទាប់ពីការសាកពេញចំនួន 1300 ដង ដែលការធ្វើតេស្តនេះគឺធ្វើត្រាប់តាមទម្លាប់ប្រើប្រាស់ប្រចាំថ្ងៃរបស់អ្នកប្រើប្រាស់ (សាកនិងឈប់សាកបន្ទាប់ពីថ្មពេញម្តងរៀងរាល់ 1.1 ថ្ងៃ) ដែលស្មើនឹងការប្រើប្រាស់ប្រហែល 4 ឆ្នាំ។ ទិន្នន័យខាងលើត្រូវបានផ្តល់ដោយមន្ទីរពិសោធន៍ vivo ផ្អែកលើការធ្វើតេស្តក្នុងបរិស្ថានសិប្បនិម្មិត ដោយសីតុណ្ហភាពព័ទ្ធជុំវិញនិងសីតុណ្ហភាពថ្ម 23°C ± 2°C សម្រាប់ការសាកនិងដកចេញពីការសាក។ លទ្ធផលជាក់ស្តែងអាចប្រែប្រួលទៅតាមឧបករណ៍ធ្វើតេស្ត បរិស្ថានធ្វើតេស្ត និងទម្លាប់ប្រើប្រាស់ផ្ទាល់ខ្លួន។
8. ទិន្នន័យនេះ គឺជាលទ្ធផលនៃការធ្វើតេស្តមន្ទីរពិសោធន៍របស់ vivo ហើយគឺសម្រាប់ការប្រើប្រាស់តែមួយកម្មវិធីតែប៉ុណ្ណោះ។ បរិយាកាសតេស្ត៖ សីតុណ្ហភាពព័ទ្ធជុំវិញ 25°C±1°C។ លក្ខខណ្ឌតេស្ត៖ ឧបករណ៍សាកថ្មពេញ 100%។ អាយុកាលថ្មពិតប្រាកដអាចខុសគ្នាទៅតាមការប្រើប្រាស់ផ្ទាល់ខ្លួន ក៏ដូចជាបរិយាកាស និងកត្តាផ្សេងៗទៀត។
9. ផលិតផលនេះត្រូវបានសាកល្បងក្នុងលក្ខខណ្ឌមន្ទីរពិសោធន៍ដែលគ្រប់គ្រងយ៉ាងត្រឹមត្រូវ និងទទួលស្គាល់ថាមានកម្រិតស្តង់ដារ IP68 និង IP69 តាមបទដ្ឋាន IEC 60529: ស្ដង់ដារឆ្នាំ 2013 ។ IP68 ដែលអាចទ្រាំទ្រនឹងការដាក់ចូលក្នុងទឹកសាបជម្រៅ 1.5 ម៉ែត្រ រយៈពេល 30 នាទី ដោយមិនមានបញ្ហា ជាមួយសីតុណ្ហភាពទឹក និងសីតុណ្ហភាពឧបករណ៍ មានគម្លាតខុសគ្នាមិនលើសពី 5°C។ លក្ខខណ្ឌសាកល្បង IP69: ① ល្បឿនបង្វិល៖ (5 ± 1) r/min ② មុំបាញ់៖ 0°, 30°, 60°, 90° ③ អត្រាលំហូរទឹក៖ (15 ± 1) លីត្រ/នាទី ④ សីតុណ្ហភាពទឹក៖ (80 ± 5)°C ⑤ រយៈពេលសាកល្បង៖ 30 វិនាទីក្នុងមួយទីតាំង ⑥ ទីតាំងឧបករណ៍៖ តម្រៀបបញ្ឈរដោយរន្ធ USB ចុះក្រោម។ លក្ខណៈធន់នឹងទឹក ធន់នឹងការជះ និងធន់នឹងធូលី មិនមែនជាលក្ខខណ្ឌអចិន្ត្រៃយ៍ទេ ហើយអាចថយចុះតាមពេលវេលាជាមួយនឹងការប្រើប្រាស់ធម្មតា។សូមកុំដាក់ឧបករណ៍ទៅក្នុងទឹកសមុទ្រ វត្ថុរាវដូចជាភេសជ្ជៈ ឬវត្ថុរាវដែលមានជាតិច្រេះផ្សេងទៀត ជៀសវាងការដាក់ឧបករណ៍ទៅក្នុងទឹកអំឡុងពេលប្រើប្រាស់ប្រចាំថ្ងៃ។ ហាមដាច់ខាតកុំសាកថ្មឧបករណ៍នៅពេលដែលកំពុងសើម សូមជូតសម្អាតនិងសម្ងួតឧបករណ៍ភ្លាមៗប្រសិនបើសើម។ ការខូចខាតដែលបណ្ដាលមកពីការជ្រាបចូលនៃវត្ថុរាវគឺមិនស្ថិតក្នុងការធានាឡើយ។
10. ក្រោមលក្ខខណ្ឌពិសោធន៍ដែលបានត្រួតពិនិត្យ ស្មាតហ្វូន V60 អាចលិចនៅក្នុងទឹកសាបធម្មតា សីតុណ្ហភាពក្នុងបន្ទប់ ជម្រៅរហូតដល់ 1.5 ម៉ែត្រ បានរយៈពេលរហូតដល់ 120 នាទី។ ភាពធន់នឹងការជ្រាបទឹក និងការជះទឹកមិនស្ថិតស្ថេររហូតនោះទេ ហើយអាចនឹងថយចុះតាមការប្រើប្រាស់ប្រចាំថ្ងៃ។ សូមកុំយកទូរស័ព្ទទៅត្រាំទឹកក្នុងពេលប្រើប្រាស់ប្រចាំថ្ងៃ ឬដាក់វាឲ្យប៉ះពាល់ជាមួយវត្ថុរាវដទៃ ដូចជាទឹកសមុទ្រ ភេសជ្ជៈជាដើម។ កុំសាកថ្មទូរស័ព្ទនៅពេលសើម ត្រូវសម្អាត និងធ្វើឲ្យវាស្ងួតភ្លាមៗ។ ការខូចខាតដែលបណ្តាលមកពីការជ្រាបចូលនៃវត្ថុរាវ គឺមិនស្ថិតក្នុងការធានារបស់ក្រុមហ៊ុនឡើយ។
11. ① កញ្ចក់ TitanShield របស់ V60 ជាកញ្ចក់អេក្រង់ដែលត្រូវបានផលិតឡើងដោយបច្ចេកវិទ្យាជំនាន់ចុងក្រោយបង្អស់។ យោងតាមទិន្នន័យពីមន្ទីរពិសោធន៍របស់ vivo កញ្ចក់នេះមានភាពធន់នឹងការធ្លាក់បានល្អប្រសើរជាង V40 គួរឲ្យកត់សម្គាល់។②ផលិតផលនេះបានឆ្លងកាត់ការធ្វើតេស្តយ៉ាងហ្មត់ចត់ក្រោមលក្ខខណ្ឌមន្ទីរពិសោធន៍ដ៏តឹងរ៉ឹង។ ទោះជាយ៉ាងណាក៏ដោយ សូមប្រុងប្រយ័ត្នជានិច្ច ព្រោះឧបករណ៍អេឡិចត្រូនិចដ៏ទំនើបនេះអាចរងការខូចខាតដោយសារការធ្លាក់ ឬការប៉ះទង្គិចខ្លាំង។ សូមបញ្ជាក់ថា ការខូចខាតដែលកើតឡើងដោយសារការប្រើប្រាស់ផ្ទាល់ខ្លួន មិនត្រូវបានរាប់បញ្ចូលក្នុងការធានារបស់ក្រុមហ៊ុនឡើយ។
12. ទិន្នន័យស្តីពីការកែលម្អដំណើរការ ត្រូវបានទទួលយកពីគេហទំព័រផ្លូវការរបស់ក្រុមហ៊ុន Qualcomm ដែលបង្ហាញពីភាពប្រសើរឡើងលើជំនាន់ V50។
13. ① RAM ជំនួយត្រូវបានសម្រេចឡើងតាមរយៈកម្មវិធី Software។ ② ទិន្នន័យនេះផ្អែកលើការធ្វើតេស្តដែលបានធ្វើឡើងនៅក្នុងមន្ទីរពិសោធន៍របស់ vivo។
14. 10.ទិន្នន័យនៃការកាត់បន្ថយកម្ដៅស្នូល គឺផ្អែកលើការពិសោធន៍ដែលបានធ្វើឡើងនៅក្នុងមន្ទីរពិសោធន៍របស់យើង។ ពាក្យថា 'ស្នូល' សំដៅលើស៊ីភីយូ (CPU)។
15. 12. ① ផលិតផលនេះមិនមែនជាឧបករណ៍វេជ្ជសាស្ត្រ និងគ្មានមុខងារព្យាបាលណាមួយឡើយ។② អេក្រង់មានទំហំ 6.77 អ៊ីញ សំដៅលើប្រវែងអង្កត់ទ្រង់នៃអេក្រង់ដែលបានពង្រីកជ្រុងមូលឱ្យទៅជារាងចតុកោណ ផ្ទៃដែលអាចមើលឃើញជាក់ស្តែងគឺតូចជាងបន្តិច។
16. Google គឺជាពាណិជ្ជសញ្ញារបស់ក្រុមហ៊ុន Google LLC ដែលអាចប្រើប្រាស់បាននៅលើឧបករណ៍ដែលតម្រូវឲ្យមានការភ្ជាប់ទៅកាន់អ៊ីនធឺណិត។ប្រតិបត្តិការរបស់ Google គឺស្ថិតនៅលើកម្មវិធី និងផ្ទៃដែលត្រូវគ្នា ហើយលទ្ធផលអាចនឹងមានភាពខុសគ្នា អាស្រ័យលើការផ្គូរផ្គងរូបភាព។
17. មុខងារ AI អាចប្រែប្រួលទៅតាមកម្មវិធី, ការកំណត់, ប្រភេទម៉ូដែល, ព្រមទាំងតំបន់ និងភាសារបស់អ្នក ហើយបទពិសោធន៍ប្រើប្រាស់ជាក់ស្ដែងអាចមានភាពខុសប្លែកគ្នា។
18. “បទពិសោធន៍រលូន 5 ឆ្នាំ” គឺជាការបញ្ជាក់ថាផលិតផលនេះបានឆ្លងកាត់ការធ្វើតេស្តភាពរលូន 5 ឆ្នាំនៅក្នុងមន្ទីរពិសោធន៍របស់ vivo ដោយការបង្កើនប្រសិទ្ធភាពទាំងផ្នែក Software ផ្នែក Hardware និងបច្ចេកវិទ្យាដ៏ទូលំទូលាយផ្សេងទៀត។ ក៏ប៉ុន្តែ បទពិសោធន៍រលូន 5 ឆ្នាំ មិនមែនមានន័យថានឹងគ្មានភាពទាក់សោះឡើយ។ បទពិសោធន៍ជាក់ស្តែងអាចប្រែប្រួលទៅតាមបណ្ដាញអ៊ីនធើណេត ទម្លាប់នៃការប្រើប្រាស់ និងកត្តាផ្សេងៗទៀត។