Осы Құпиялылық туралы мәлімдеме vivo компаниясы сервистік орталық, веб-сайт, байланыс орталығы немесе басқа арналар арқылы сізге клиенттік қызмет («Қызмет») көрсеткен кезде жеке деректеріңізді жинауға және өңдеуге қолданылады. Құпиялылығыңызды құрметтейміз және жеке деректеріңіздің өңделу себебі мен жолын білуіңіз маңызды деп есептейміз. Осы Клиенттік қызметке қатысты құпиялылық туралы мәлімдемеде («Мәлімдеме») келесі жағдайлар түсіндірілген:
1. Жинау және өңдеу: жиналатын деректердің түрлері және олардың пайдаланылу жолы;
2. Сақтау: деректеріңіздің сақталу жолы;
3. Бөлісу және тасымалдау: деректеріңіздің бөлісіп берілу немесе тасымалдану жолы;
4. Құқықтарыңыз: деректеріңізге қатысты құқықтарыңыз бен мүмкіндіктеріңіз;
5. Бізге хабарласыңыз: қосымша сұрақтар бойынша бізге хабарласу жолы.
Мәлімдемені мұқият оқып шығыңыз және Қызметті пайдалану алдында жеке деректеріңізге қатысты нормаларымызды түсініп алыңыз.
1. Жинау және өңдеу
(1) Сізбен жасалған келісімшартқа сәйкес немесе өтінішіңізге сәйкес, сізге келесі қызметтерді көрсету үшін жеке деректеріңізді өңдейміз:
• Құрылғыны тексеру және жөндеу
Құрылғыларыңызда ақау немесе басқа проблемалар пайда болған жағдайда, құрылғыны тексеру және жөндеу үшін ресми сатудан кейінгі сервистік орталықтарымызға баруыңызға болады. Мәселеңізді шешуге көмектесу үшін кей сервистік орталықтарымыз қашықтан көмек көрсету қызметтерін де ұсынады. Сізге жоғарыда аталған қызметтерді көрсету үшін байланыс мәліметтеріңізді (соның ішінде аты-жөніңізді, еліңізді/өңіріңізді, телефоныңыздың нөмірін және электрондық поштаңыздың мекенжайын) және кепілдік мерзімін тексеру, құрылғыңыздың ақауларын анықтау, сізге сұралған жөндеу қызметтерін көрсету және қатысты сұрауларыңызға жауап беру үшін құрылғыңыз туралы ақпаратты (соның ішінде IMEI кодын, EMMCID кодын, сериялық нөмірді, құрылғы моделін, операциялық жүйе туралы ақпаратты, пайдалану туралы ақпаратты, қателік журналдарын және құрылғыңыздағы ақауларды анықтауға қажетті басқа ақпаратты) өңдеуіміз қажет.
Кездесуге жазылу қызметімізді, жеткізіп жөндеу қызметімізді немесе жөндеу барысын сұрау қызметімізді пайдаланған кезіңізде, сізге тиісті қызметтерді көрсету үшін парақта жіберген ақпаратты, соның ішінде байланыс мәліметтеріңізді, толық мекенжайыңызды, кездесу уақытын, құрылғыңыздың моделін және мәселенің сипаттамасын өңдеуіміз керек.
Айырбастап беруді сұраған кезіңізде немесе қайтарғыңыз келгенде, құрылғының қайтару немесе айырбастау талаптарына сәйкес келіп-келмейтінін тексеру үшін байланыс мәліметтеріңізді және құрылғыңыз туралы ақпаратты өңдеуіміз және сәйкесінше жазбалар жүргізуіміз керек.
Сонымен қатар жеке басыңызды растау үшін байланыс мәліметтеріңізді (мысалы, телефоныңыздың нөмірін) және ерікті түрде берген басқа мәліметтеріңізді (мысалы, тексеру кодтарын) өңдеуіміз қажет болуы мүмкін.
• Есептік жазбаға кіру
Кей қызметтеріміз есептік жазбаға кіру функциясын ұсынады. Қызметте vivo есептік жазбаңызға кірген кезіңізде, есептік жазбаңыз туралы ақпаратты көрсету және жеке басыңызды растау үшін есептік жазбаңыз туралы ақпаратты (мысалы, есептік жазбаңызды тіркеуге пайдаланған телефоныңыздың нөмірін немесе электрондық поштаңыздың мекенжайын, есептік жазбаңыздың идентификаторын, лақап атыңызды және профиліңіздің фотосуретін) өңдеуіміз керек.
Купондарды немесе басқа артықшылықтарды қабылдау және қарау функциясын сізге ұсыну үшін есептік жазбаңыз туралы ақпаратты пайдаланып vivo есептік жазбаңызбен алатын купондарыңызды немесе басқа артықшылықтарыңызды байланыстыруымыз қажет болуы мүмкін.
• Байланыс орталығының қызметі
Бізге сенім телефоны, электрондық пошта, онлайн-чат, әлеуметтік желілер немесе басқа клиенттік қызмет арналары арқылы хабарласқан кезіңізде, өтінішіңізге жауап беру және мәселеңізді шешу үшін, байланыс ақпаратыңызды (мысалы, аты-жөніңізді, еліңізді/өңіріңізді, телефоныңыздың нөмірін, электрондық поштаңыздың мекенжайын немесе есептік жазбаңыз туралы ақпаратты), телефон әңгімелерінің жазбаларын, бізге хабарласуыңыздың жазбалар журналын және жоғарыда көрсетілген арналар арқылы берген басқа ақпаратты өңдеуіміз керек. Қажет болғанда, сізге хабарласу үшін байланыс мәліметтеріңізді пайдалануымыз мүмкін.
• Кепілдік қызметі
Құрылғымыздың кепілдік қызметтерін (мысалы, ұзартылған кепілдік немесе экранның сынуына берілетін кепілдік) сатып алған кезіңізде, сатып алған кепілдік қызметтерін құрылғыларыңызбен байланыстыру және сұралған қызметтерді көрсету үшін аты-жөніңізді, телефоныңыздың нөмірін, IMEI кодыңызды және басқа құрылғы идентификаторларын немесе аутентификация кодтарын өңдеуіміз керек.
• Сервистік орталықтың орналасқан жері және оған бару жолы
Сервистік орталықты немесе кездесуге жазылу қызметін пайдаланған кезіңізде, маңайыңыздағы Сервистік орталықтың орнын анықтау және оған бару жолын көрсету үшін IP мекенжайыңызды өңдеуіміз керек.
(2) Дегенмен белгілі жағдайларда жеке деректеріңізді қолданыстағы заңдарда рұқсат етілген басқа мақсаттар үшін өңдеуіміз мүмкін. Бұл жағдайлардың мысалы:
• Клиенттермен жасалатын қарым-қатынасты басқару
Заңды мүдделерімізге сәйкес болғанда және сіздің мүдделеріңізді немесе негізгі құқықтарыңыз бен айрықша құқықтарыңызды жоққа шығармаған кезде, сізбен арамыздағы қарым-қатынасты басқару үшін деректер субъекті ретіндегі сіздің өтініштеріңізді, келісімдеріңізді және клиентпен әрекеттесу жазбаларын өңдеуіміз керек.
• Клиенттің қызметті пайдаланудан алатын әсерін жақсарту
Байланыс мәліметтеріңізді және өз еркіңізбен берген басқа мәліметтеріңізді (мысалы, лақап атыңызды, жынысыңыз бен нақты мекенжайыңызды) пайдаланып клиенттік сауалнама жүргізуіміз мүмкін және бұл сізге көрсетілетін клиенттік қызметтің сапасын түсінуімізге және пайдалануыңыздың әсерін жақсартуымызға көмектеседі.
Сонымен қатар өнімдеріміз бен қызметтерімізді одан әрі жақсарту және оңтайландыру үшін осы Қызметті пайдаланған кезіңізде жиналған ақпарат негізінде статистикалық анализ жасаймыз. Бұл процесс барысында жоғарыда аталған деректер статистикалық анализ жасауға ғана пайдаланылатынын және өзіңізге байланыстырылмайтынын және жеке басыңызды анықтап беру үшін пайдаланылмайтынын ескеріңіз.
Жеке деректеріңізді қорғауға міндеттенеміз. Жеке деректеріңізге рұқсатсыз қол жеткізу, оларды пайдалану, бүлдіру немесе олардан айырылу жағдайларынан қорғайтын қауіпсіздік шараларын, соның ішінде шифрлау және анонимизация тәсілдерін (бұлармен шектелмейді) қолдандық. Біз жеке деректеріңізді қорғау үшін барымызды саламыз. Біреу жеке деректеріңізге рұқсатсыз қол жеткізді, оларды пайдаланды, бүлдірді немесе жойды деп күдіктенсеңіз, төмендегі байланыс мәліметтерін пайдаланып, бізге дереу хабар беріңіз.
2. Сақтау
(1) Мерзімі:
Жеке деректеріңізді жоғарыда көрсетілген өңдеу мақсаттарына қажетті мерзім бойы, не болмаса өзіңіз талап еткен немесе қолданыстағы заңдар бойынша талап етілетін мерзім бойы сақтаймыз. Нақты айтқанда, сақтаймыз:
• жөндеу жұмысы аяқталғаннан немесе бізбен соңғы рет қарым-қатынас жасағаннан бастап ең көбі 5 (бес) жыл бойы құрылғыны қарап тексеру мен жөндеу үшін және Байланыс орталығы қызметі үшін өңделген жеке деректерді сақтаймыз;
• есептік жазбаның күші жойылған күннен бастап ең көбі 30 күн есептік жазбаға кіру үшін өңделген жеке деректерді сақтаймыз;
• бізбен соңғы рет қарым-қатынас жасағаннан бастап ең көбі 5 (бес) жыл бойы клиенттермен жасалатын қарым-қатынасты басқару үшін өңделген жеке деректерді сақтаймыз;
• Деректер жиналған күннен бастап ең көбі 6 (алты) ай бойы клиент сауалнамасы үшін өңделген жеке деректерді сақтаймыз.
Қолданыстағы заңдар мен нормативтік актілер бойынша өзге жағдай талап етілмесе, сақтау мерзімі аяқталғанда жеке деректеріңізді жоямыз немесе анонимді етеміз.
Сонымен қатар, Сервистік орталықтың орналасқан жері мен оған бару жолы үшін өңделген жеке деректерді серверімізде сақтамаймыз.
(2) Орны:
Пайдаланушы еліндегі/аймағындағы деңгеймен бірдей дерек қорғанысын қамтамасыз ету және пайдаланушылардың өтініштерінде тиімді жауап беру; түрлі елдердегі/аймақтардағы пайдаланушылардың деректері сақталатын орын әртүрлі болады. Жеке деректеріңіз сақталған жерді білу үшін, Құпиялылық саясатымыздың ішіндегі Сақтау және халықаралық тасымалдаубөлімін қараңыз. Дегенмен, Байланыс орталығы қызметін Австралияда пайдалансаңыз, жеке деректеріңіз Сингапурда орналасқан серверімізде сақталады. Байланыс орталығының қызметін Ресейде, Беларусьте, Өзбекстанда немесе Қырғызстанда пайдалансаңыз, жеке деректеріңіз Ресейде орналасқан серверімізде сақталады.
3. Бөлісу және тасымалдау
Деректеріңізді не өзіміз, не еншілес компанияларымыз, біздің атымыздан әрекет ететін қызмет провайдерлеріміз немесе нұсқауыңызға сәйкес басқа тұлғалар арқылы өңдейміз. Дегенмен, жеке деректерді маркетингілік мақсаттарда үшінші тараптармен бөліспейміз. Нақтырақ айтқанда:
• жеке деректеріңіз сіз сұраған Қызметті көрсетуге қажетті дәрежеде шифрланады және аффилиат компанияларымызға немесе қызмет көрсетушілерімізге (соның ішінде дилерлерімізге, жөндеу қызметтерін көрсететін компанияларымызға, клиенттік қызмет көрсететін компанияларымызға, логистикалық қызмет көрсететін компанияларымызға, т.б. компанияларға) беріледі.
• Операторлардың немесе кәсіпорындардың арнайы құрылғыларындағы құрылғы туралы ақпарат шифрланады және тиісті операторға немесе кәсіпорынға олармен жасалған бейімдеп реттеу келісімшарттарына немесе олардың нұсқауларына сәйкес жіберіледі.
• Жеке басыңызды растаған кезде, телефоныңыздың нөмірі шифрланады және төмендегі үшінші тарап қызмет провайдер(лер)іне жіберіледі: PaaSoo Technology Limited, Orange Business Services Hong Kong Limited және Firemsg International Co., Limited.
• Сізге Сервистік орталықтың орналасқан жері мен оған бару жолын ұсыну үшін, IP мекенжайыңыз шифрланып, келесі үшінші тарап қызмет провайдер(лер)іне жіберіледі: Google Inc.
Біз жоғарыдағы қызмет провайдерлерімен дерек қорғау туралы келісімге қол қойғанымызды есте сақтаңыз және олар біздікінен кем емес стандартқа сәйкес қорғаныс қамтамасыз етеді. Әйтпесе, деректеріңізді қолданыстағы заңдарға сәйкес сот ісіне немесе құзыретті органның сұрауына жауап беруге қажет болғанда ғана бөлісеміз.
Біз әлемнің көптеген елінде жұмыс істейміз, сондықтан өнімімізді бүкіл әлемде пайдалана алуыңыз үшін жеке деректеріңіз дүние жүзіндегі ұйымдарымызға немесе қызмет провайдерлерімізге жіберілуі немесе берілуі мүмкін, бірақ деректеріңіз жоғарыда аталғаннан басқа мақсаттар үшін пайдаланылмайды. Деректеріңіз пайдаланылған жерінде қорғалуы үшін, жеке деректерді елде елге жіберу туралы заңдардың талаптарын сақтаймыз.
4. Құқықтарыңыз
Сіз туралы бізде бар деректерге қатысты түрлі құқықтарыңыз бар.
Келісімді қайтарып алу
Кез келген уақытта бізге хабарласып осы Мәлімдемеге берген келісіміңізді қайтарып алуыңызға болады. Келісіміңізді қайтарып алсаңыз, сіз осындай өңдеуге қайта келіскенше тиісті деректеріңізді өңдеу процесін тоқтатамыз.
Басқа құқықтар:
Өзіңіздің басқа құқықтарыңызды пайдалану үшін (түзету, өшіру, өңдеуді шектеу, қарсылық немесе деректердің тасымалдануы, қолданыстағы дерек қорғау заңдарына байланысты сияқты) төменде көрсетілген байланыс деректерін пайдаланыңыз.
Шағым:
Сіздің қадағалаушы органға шағым беру құқыңыз бар.
5. Бізге хабарласу жолы
Осы Мәлімдеме туралы немесе жеке деректеріңіздің өңделуі туралы сұрақтарыңыз бар болса, мәселені хабарлауыңыз не Дерек қорғау жөніндегі қызметкерімізге хабарласуыңыз қажет болса, дерек қорғау мен құпиялықты қорғау туралы заңдарға сай құқықтарыңыздың бірін пайдаланғыңыз келсе, осы жерді басыңыз. Сұрауыңызды негізі жоқ мүдіріссіз және кез келген жағдайда дерек қорғау туралы қолданыстағы заңдарда қарастырылған мерзім ішінде шешуге тырысамыз.
Бұл Мәлімдеме ара-тұра жаңартылуы мүмкін. Біз кез келген елеулі өзгерістер туралы тиісті жолмен хабарландырамыз. Осы Мәлімдемеде аталған барлық нормалар Құпиялылық саясатымызға сәйкес орындалады. Одан нормаларымыз туралы қосымша мәлімет алуға болады.